உன் விரல் பட்ட
செல்போன்
எத்தனை முறை
உன் கூட செல்பி எடுக்க ஆசைப்பட்டிருக்கும் என்பதை
நான் மட்டுமே அறிவேன்
காற்றில் பரவும்
உன் குரல்களை
காற்றலைகள் திகட்ட திகட்ட
சேமித்து வைத்து கொள்கின்றன
நீ வீதி நடக்கும் தருவாயில்
ஒரு முத்தத்தையாவது தந்து விட்டு தான் செல்கிறது
அந்த பாழாய் போன மழை .
அந்த மேகக்கூட்டங்கள் எல்லாம்
உன்னை வளைத்து போட
திட்டமிடுவதை திருட்டு பையன் நானறிவேன்
உன்னை மடியில் வைத்து தாலாட்ட
பூமி தேவனும் காத்திருக்கிறான்
பஞ்ச பூதங்களும்
உன்னை மட்டும் தானடி
காதல் கொள்ள காத்திருக்கின்றன
பாவி நான் காதலித்தால் என்ன ??
நீ கண் கொண்டு
என்னை பார்க்க வில்லை -ஆனால்
என் கண்ணுக்கு கண்ணாய்
நீ மட்டும் தானடி இருக்கிறாய்
வார்த்தைகள் வராமலே
உன் உதடுகள் மட்டும் தான்
இவ்வுலகில் எனக்கான மொழி பேசுகின்றன
காதல் -காமம் பேசும்
உன் விழிகளை
ஒரு நொடி மூடி கொள்
நிம்மதி பெருமூச்சடைவேன்
கிடைக்காத உன் காதலின் நினைவுகளோடு !!
நௌஷாத் கான் .லி
