படம் பார்த்து கவி: பாத தரிசனம்

• பாத தரிசனம் *
  செந்தாமரை இதழாய்
  பாத தரிசனம் கண்டு
  பிறவிப் பயன்
  அடைந்துவிட்டேன்,;
  என் நாடி துடிப்பில்,
  உன் இதய துடிப்பு
  தொடங்கிய நிமிடம் முதல்
  உனை உயிருக்குள் அடைகாத்து;
  உனை ஈன்றெடுக்கவே இப்பிறவி
  எடுத்த அர்த்தம் உணர்ந்தேன்;
  ஒரு பிறவியில் மறு ஜென்மத்தை
  உன் பிறப்பில் உணர்ந்தேன்;
  உலகே வியந்து பார்க்க இருக்கும்
  உன் பாதங்களின் முதல்
  நடைமேடை என் இதழ்களே,,!
  கடவுளை உணர்ந்தவர்
  பலர் இருப்பின்,
  கண்ணால் கண்ட பாக்கியம்
  உன் பாத தரிசனம் எனக்கு
  கிடைத்த நிமிடம்,!
  இப்பிறவி பலன் அடைந்த
  முழு மனதுடன்…!!

✍️ ஆர்.இலக்கியா சேதுராமன்.

(கவிதைகள் யாவும் போட்டிக்கு எழுதப்பட்டவை. அது எவ்வித மாற்றமும் இன்றி பதிவிடப்படுகிறது.)