படம் பார்த்து கவி: பொன்னிற

பொன்னிற காதல் தேவதை கனவில்
என்னுள் கிளர்த்திய காதல் நினைவில்
வானில் பறக்கும் அதிசயம் நிகழ்வில்
நானும் சேர்ந்து பறக்கும் விருப்பில்
தொடரும் கனவில் கிட்டாக் கனியாய்
இடரும் இடைவெளி குறையா நிலையாய்
படரும் வேட்கை காதல் நோயாய்
சுடராய் நம்பிக்கை மட்டும் இயல்பாய்
அழகில் மயங்கிய மனதுடன் பயணம்
பழகிக் கூட விழையும் தருணம்
உழலும் கனவு நனவாகும் வண்ணம்
எழிலாய் ஈடேறும் இலட்சியம் திண்ணம்

..பெரணமல்லூர் சேகரன்