வாரம் நாலு கவி: இழப்போன்று

இழப்போன்று இருந்தால் இன்னொன்று வருமாம்
இழந்ததிலும் இன்னொன்று எப்படியாகிடுமோ சிறந்ததென
தந்தையை இழந்தே நொந்திடும் தனயனுக்கு
சிந்தைநிறை தந்தைக்கு இணையென எதுவாகுமோ
தாயவள் மடிதவளும் தருணமதை இழந்திட்ட
தளிர்மழலை பெறவே இயலுமோ பிறரிலதை
தோல்வியிலே தோள்கொடுக்கும் தோழனையே இழந்துவிட்டால்
துவள்கையிலே துணையவன் போல் யாரளிக்கவியலுமோ
இழத்தலிலே இன்பம் இன்னொன்றை பெறுதலாலென
இழந்த உறவை ஈடுசெய்யவே சொல்லிடவியலுமோ!!?

*குமரியின்கவி*
*சந்திரனின் சினேகிதி*
_சினேகிதா_ _ஜேஜெயபிரபா_