வாரம் நாலு கவி: வியூகம்தனை

வியூகம்தனையுடைக்க
வேகக்கணை விடுத்து
விவேகக்கணை
தொடுத்திருந்தால் விஜயதனையனும்
தந்தை வீரம்தனை
விஞ்சியிருப்பான்
மாரீசனின் மாயக்குரல்
கேட்டெழுந்த
மதிவேகம் தணித்திருந்தால் மைதிலியும்
சிறுமானிற்காக பெருமானைப் பிரிந்திறாள்
சினவேகத்தில் கூர்வார்த்தைகள் தெரித்துவிழாதிருந்தால்
கோபமும் கொள்ளத்தக்க பண்பாகியேயிருக்கும்
வேர் வேகமெடுக்கையில் மண்பிடிப்பதனை
வன்மரமாக்குமெனில் கட்டுண்டவேகங்கள் கற்கத்தக்கவையே !

புனிதா பார்த்திபன்