ஒரு படம் ஒரு கவி: மின்னல் வெட்டில்

by Nirmal
1 views

மின்னல் வெட்டில்
மோதிய மேகங்கள்
மாரிக்கால மழை
வாரித்தரும் கொடை

குளிர்ந்த நிலத்தில்
நீர் வரையும் கோலங்கள்
மண்ணின் மணத்தில்
மலரும் தளிர்கள்

செந்தணல் அடுப்பில்
சோளம் பொரிந்து
உப்பும் காரமும்
உவப்பாய் சேர்த்து
ஆகிவந்த கையால்
எலுமிச்சைச் சுவையில்

நாவுக்கு சுவையாய்
குளிருக்கு இதமாய்
தண்மையை வெல்ல
தணலின் அணைப்பில்
தின்று களியுங்கள்

காலத்தின் பயணத்தில்
கனிந்து நிற்கும்
மனிதன் நான்
வாருங்கள் –இந்த
சுவையுண்டு பாருங்கள்..

உங்களுக்கும் கவிதைகள் எழுதி பதிவிட வேண்டுமா?! இந்த லிங்கை கிளிக் செய்யவும்.

You may also like

Leave a Comment

error: Content is protected !!